သင်ဟာ ဘဝမှာ အပြောင်းအလဲတွေ၊ မသေချာမှုတွေနဲ့ ကြုံလာရတဲ့အခါ စိတ်ဖိစီးမှုဒဏ်တွေကြား ရုန်းကန်ရလေ့ ရှိပါတယ်။ စိုးရိမ်သောကကင်းပြီး တည်ငြိမ်သေချာတဲ့ ဘဝကို နှစ်သက်ပြီး အချိန်တော်တော်များများမှာ အရာအားလုံးက ကိုယ့်အတွက် ခက်ခဲနေတယ်လို့ တွေးနေနိုင်ပါတယ်။ ဒီလို အခက်အခဲတွေ ကိုယ့်ဆီမှာနဲ့ ကိုယ့်ပတ်ဝန်းကျင်မှာ ကြုံလာရတာဟာ ကိုယ်က အစွမ်းအစမရှိလို့၊ မထိန်းချုပ်နိုင်လို့ဆိုပြီး အတွေးလွန်တတ်ပါတယ်။ သင့်အနေနဲ့ စိတ်ဓာတ်ကြံ့ခိုင်မှုကို တည်ဆောက်ဖို့အတွက် ကိုယ်ပြုပြင်ချင်တဲ့ အလေ့အထတွေ၊ ကဏ္ဍတွေကို သိရှိအောင် ကြိုးစားပြီး လက်တွေ့မှာ အကောင်အထည်ဖော်ဖို့ အစီအစဉ်ချနိုင်ပါတယ်။ လိုအပ်လာရင် ကိုယ့်ကို လမ်းပြပေးနိုင်မယ့် တိုင်ပင်ဖော် (သို့) ကျွမ်းကျင်သူတွေဆီ အကူအညီရယူပေးပါ။

သင့်မှာ အခက်အခဲတွေ၊ စိတ်ဖိစီးမှုတွေ၊ ရုန်းကန်ရတဲ့ အချိန်အခါတွေကို ကျော်လွှားဖို့ နည်းလမ်းတချို့ ရှိကောင်းရှိပါလိမ့်မယ်။ ဒါပေမယ့် စိတ်ဖိစီးစရာ အကြောင်းတရားတွေ တစ်ပြိုင်နက် စုပြုံကျလာတဲ့အခါ သင်တောင့်ခံနိုင်တာထက်လွန်ပြီး အထိန်းအကွပ်မဲ့ရင်း ယိုင်လဲလာနိုင်ပါတယ်။ ဒီလိုအခြေအနေမျိုးမှာ အကောင်းမြင်ရင်း ဖြတ်ကျော်ဖို့လည်း ခက်ခဲလာပါလိမ့်မယ်။ အပေါ်မှာ ဖြေခဲ့တဲ့ မေးခွန်းတွေထဲက ဘယ်အကြောင်းအရာ၊ အလေ့အထတွေကို ကိုယ့်အနေနဲ့ တိုးတက်အောင် လုပ်နိုင်မလဲ၊ ကိုယ့်ရဲ့ စိတ်ဓာတ်ကြံ့ခိုင်မှုကို ဘယ်လိုမြှင့်တင်နိုင်မလဲ ဆိုတာ တွေးကြည့်ပေးပါ။ လက်တွေ့လုပ်ဆောင်ပေးပါ။

သင်ဟာ များသောအားဖြင့် အခက်အခဲတွေ၊ အပြောင်းအလဲတွေနဲ့ စိန်ခေါ်မှုတွေကို ကိုယ်တိုင်ကျော်လွှားနိုင်တာကြောင့် လူတွေက သင့်ကို စိတ်ဓာတ်ကြံ့ခိုင်သူ၊ သန်မာသူတစ်ယောက်လို့ ထင်ကောင်းထင်ပါလိမ့်မယ်။ သင့်မှာ ကြုံတွေ့လာရတဲ့ အကြောင်းအရာတွေကို အချိန်အများစုမှာ အကောင်းအမြင်နဲ့ ဒူပေနာပေခံရင်း ဖြတ်ကျော်နိုင်စွမ်း ရှိပါတယ်။ ဒီလို ရံဖန်ရံခါ ဖြတ်ကျော်နိုင်ပြီဆိုကတည်းက သင့်မှာ ဒီထက်ပိုပြီး စိတ်ဓာတ်ကြံ့ခိုင်လာအောင်၊ ဘယ်အခက်အခဲ ဘယ်ဖိစီးမှုမဆို ကျော်လွှားနိုင်အောင် တည်ဆောက်နိုင်ဖို့ အလားအလာရှိပါတယ်။ ကိုယ့်အနေနဲ့ ပိုပြီးတိုးတက်အောင် လုပ်ဆောင်ဖို့ လိုအပ်နေသေးတဲ့ အလေ့အထတွေကို တိတိကျကျ သိရှိအောင်လုပ်ပြီး အစီအစဉ်ချရင်း လက်တွေ့အကောင်အထည် ဖော်ကြည့်ပေးပါ။

အခက်အခဲတွေ ဘာကပဲလာလာ၊ ဘယ်လိုပဲကြုံရ ကြုံရ အားလုံးကို အကောင်းဆုံး ရင်ဆိုင်ဖြတ်ကျော်နိုင်စွမ်း သင့်မှာ ရှိနေပါတယ်။ သင်ဟာ အပြောင်းအလဲနဲ့ စိန်ခေါ်မှုတွေကို နှစ်သက်ပြီး ကိုယ့်ကိုယ်ကိုယ် ယုံကြည်မှုနဲ့ တည်ဆောက်ထားသူ ဖြစ်ပါတယ်။ ကိုယ်ရဲ့ ဖြစ်တည်မှု၊ အတွေးအမြင်နဲ့ စိတ်ခံစားချက်တွေအတွက် ကိုယ်တိုင် တာဝန်ယူမှုရှိဖို့ နားလည်လက်ခံထားသူလည်း ဖြစ်ပါတယ်။ ဒီလို ခံယူချက်ရှိတာက သင့်ကို စိတ်ဓာတ်ကြံ့ခိုင်မှု၊ အကောင်းမြင်မှု ပြည့်ဝစေပြီး သင့်ရဲ့ ရည်ရွယ်ချက်နဲ့ ဦးတည်ရာကို တည့်မတ်အောင် လုပ်ဆောင်ပေးပါတယ်။