မသန်စွမ်းသူများဟာ သူတစ်ပါးရဲ့ကူညီစောင့်ရှောက်နိုင်မှုနဲ့မှ ရှင်သန်နိုင်တာမဟုတ်ပါဘူး။ ကိုယ့်အားကိုယ်ကိုးပြီး ရှင်သန်နိုင်တဲ့ အရည်အချင်းတွေရှိပါတယ်။ ဒါပေမယ့် ပတ်၀န်းကျင်ရဲ့ စိတ်ဓာတ်ခွန်အားပေးနိုင်မှု၊ ဖေးမနိုင်မှုတွေက မသန်စွမ်းသူများအပေါ် အများကြီး ကောင်းမွန်တဲ့ သက်ရောက်မှုများ ရှိပါတယ်။ ဘာလို့လဲဆိုတော့ သာမန်ပုထုဇဉ်လူသားပီပီ မသန်စွမ်းသူများမှာလည်း ခံစားချက်တွေရှိပါတယ်။ အားငယ်တာ၊ ဝမ်းနည်းတာ၊ ပျော်တာ၊ စသည်ဖြင့်ပေါ့၊ ခက်ခဲနေတဲ့ကာလမှာ ကြံ့ကြံခံနိုင်ဖို့ဆိုရင် စိတ်ခွန်အားလိုအပ်မှုက အခြားသူတွေထက်ပိုလိုနိုင်ပါတယ်။ ဘာအကူအညီမှ မလိုဘဲ လောကဓံကို ကြံ့ကြံ့ခံကျော်ဖြတ်နေနိုင်ကြတဲ့ မသန်စွမ်းတွေလည်း ရှိနေပေမယ့် အတူတူအားလုံးလက်တွဲပြီး အားပေးကူညီလိုက်ကြမယ်ဆိုရင် ကမ္ဘာကြီးဟာ ပိုပြီးလှပလာမှာ အသေအချာပဲ မဟုတ်လား?
အခက်အခဲတွေကြားထဲ ရုန်းကန်နေရတဲ့ ဒီကာလကြီးမှာ စိတ်ခွန်အားတွေ ရရှိနိုင်အောင် အလင်းသစ်ရဲ့ခြေလှမ်းများ အစီအစဉ်က ကူညီပေးနေပါတယ်။

စိတ်မညစ်ဖူးတဲ့သူ၊ စိတ်မဖိစီးဖူးတဲ့သူကို ကမ္ဘာပတ်ပြီးရှာကြည့်ပါ။ ဘယ်လိုရှာရှာတွေ့မှာမဟုတ်ပါဘူး။ လူတိုင်းကနိစ္စဒူဝ သွားလာလှုပ်ရှားပြီး တာဝန်ကိုယ်စီထမ်းဆောင်နေရတဲ့အချိန်မှာ နေ့စဥ်တွေ့ကြုံနေရတဲ့ ကိစ္စတွေအပေါ်မှာမူတည်ပြီး ဝမ်းသာလိုက်၊ ဝမ်းနည်းလိုက်၊ စိတ်ဓာတ်တက်လိုက်ကျလိုက် ဖြစ်တာသဘာဝပါ။ ဒါကြောင့်မို့ စိတ်ဖီစီးမှုတွေများတယ်ဆိုပြီး စိတ်ဓာတ်ကျနေမယ့်အစား အဲဒီဖိစီးနေတဲ့စိတ်ကို လျော့စေနိုင်၊ သက်သာစေနိုင်မယ့် နည်းလမ်းတွေကို အချိန်မှီရှာဖွေဖို့လိုပါတယ်။ စိတ်ဖိစီးမှုဟာ ဘဝမှာ တစ်ကြိမ်တစ်ခါပဲ ဖြစ်မှာမဟုတ်တဲ့အတွက် စိတ်ဖိစီးမှုကိုထိန်းချုပ်နိုင်အောင်ကြိုးစာတဲ့နေရာမှာလည်း တစ်ကြိမ်၊တစ်ခါထဲနဲ့ပြီးသွားမှာမဟုတ်ပါဘူး။ ဒါကြောင့်မို့ စိတ်ဖိစီးမှုတွေကြုံလာတိုင်း ရုန်းထွက်နိုင်မယ့် နည်းလမ်းလေးတွေအချို့ကို အောက်ကပုံလေးတွေနဲ့ မျှဝေပေးထားတာမို့ ကြည့်ကြည့်လိုက်ရအောင်။

အော်တစ်ဇင်ကလေးတွေဟာ သူတို့ရဲ့ခံစားချက်တွေ၊ အတွေးတွေကို ဖော်ပြဖို့ အခက်အခဲရှိပါတယ်။ ဒါကြောင့်မို့လို့ သူတို့လေးတွေကို အချိန်ပြည့်ဂရုစိုက်ရမှာဖြစ်ပြီး သူတို့ပြောလာမှ လိုက်လုပ်ပေးဖို့ မသင့်ပါဘူး။ အော်တစ်ဇင်ကလေးတွေကို ဂရုစိုက်တဲ့အခါမှာလည်း ကိုယ်ကိုယ်တိုင်က ပျာယာခတ်မနေဘဲ အေးအေးဆေးဆေးနဲ့ ပုံမှန် ဆက်ဆံပြောဆိုပေးရမှာဖြစ်ပြီး သူတို့လေးတွေရဲ့ အနာဂတ်တွေ လှပဖို့ ကူညီပေးနိုင်ရမှာပါ။
အဲဒါကြောင့် အုပ်ထိန်းသူမိဘတွေအနေနဲ့ရော၊ ကူညီစောင့်ရှောက်သူတွေအနေနဲ့ပါ အထောက်အကူဖြစ်နိုင်ဖို့ အောက်ကအချက်လေးတွေကို ဖတ်ကြည့်ကြရအောင်။

လူသားတွေက တစ်ကိုယ်တည်းရှင်သန်လို့မရပါဘူး။ အထူးသဖြင့် ခက်ခဲတဲ့အချိန်တွေမှာ မိသားစုဝင်တွေနဲ့ သူငယ်ချင်းတွေရဲ့ အားပေးကူညီထောက်ပံ့မှုတွေ လိုအပ်ပါတယ်။ ဥပမာအားဖြင့် အိမ်တစ်အိမ်မှာ ပြတင်းပေါက်တွေကို ဖွင့်ထားမှ လတ်ဆတ်တဲ့လေကို ခံစားရပြီး စိတ်ကို လန်းဆန်းစေမှာဖြစ်ပါတယ်။ ဒါကြောင့် စိတ်ကိုလန်းဆန်းပေါ့ပါးနေစေဖို့ဆိုရင် ပိတ်လှောင်ထားလို့မရဘူးဆိုတာကို တွေ့ရမှာပါ။ အခက်အခဲတွေနဲ့ တွေ့ကြုံနေရတဲ့အချိန်မှာ တစ်ကိုယ်ထဲမဖြတ်သန်းဘဲ ကိုယ်ချစ်ရတဲ့သူတွေ၊ ကိုယ့်သူငယ်ချင်းတွေနဲ့ အချိန်ကုန်ဆုံးတာမျိုးတွေ၊ ကိုယ်ယုံကြည်ရတဲ့သူကို ရင်ဖွင့်လိုက်တာမျိုးတွေဟာ စိတ်ကျန်းမာရေးအတွက် တကယ်အထောက်အကူဖြစ်စေပါတယ်။